Woote ɗen 2015: ko geli-ɗon e poroguraamuuji renndo kanndidaaɓe ɓen?

0
195
GuinéeVote
GuinéeVote

Kawtital Blogooɓe Gineyanke en (ablogui) ko renndo moftungo Blogooɓe e sotuɓe Ginenaaɓe ka weɓ. Kawtital nagl fampoto lowre geese (www.guineevote.com) ko neeɓaa fii lasindagol woote saatiɗe ɗen.

GuinéeVote ko eɓɓoore hesere nde faandaare mun mawnde woni jonnugol maanaa e bensondiral politik ngal e jamaa wootayɓe ɓen. Ko e nder ndii mbaadi, Ablogui woni ko hunnidi ahadi gollodal e VOXE, lowre geese winndereyankoore kippunde eɓɓindirgol poroguraamuuji dawrugol (politik). GuinéeVote non hino jaggii e SUNU2012, France24, RFI wondude e ABLOGU fii gollodal.

E wallindiral lasindotooɓe ko yowitii e renndo-politik, meɗen eɓɓi lamndorgol caɗeele leydi Gine ndin no laaɓiri fii eɓɓindirgol poroguraamuuji dawriyanke en ɗin. Meɗen tamƴinii eɓɓooje renndo ɗe gaadondiral heertooji (partis politiques) yiinorta ɗen hino nanndita ko ɓuri heewude kon, ɗum jilɓana wootayɓe ɓen no ɓe gelora.

Men faala wertindirgol porobulenji ɗin tigiri. Tawde ko ɗin newninta eɓɓindiro ngon haa gooto kala geloo faamaa ɗowora jamaa wootayɓe ɓen kadi. E piide misal, a taway e poroguraamuuji gaadondiral heertooji goo, damal tiitoraangal: “Eɓɓo oogirɗe (Politique minière) walla Oogirɗe e mbaylaaɗi” (Mines et industries). Tawa non ko yiɗu-ɗen anndude, ko piirtol (solution) kanndidaajo kala no tafunde (usine) Firiyaa nden immitora, e piide misal.

Wano ɗum woowiraa non ka demokaraasii woni ton e aduna on, faandaare ɗee golle ko ɗowirgol kala gineyankeejo wootirgol hoore faandaare e dow laaɓal fii no ittira kala himme leƴƴi-leƴƴi, maa coodtaari e ko nanndi. Ndee eɓɓoore hino wallitoo kadi anndugol si ɗin poroguraamuuji hino yaadi e ko jamaa on faalaa kon. Eɓɓoore nden yaltay ko neeɓaa, (ko seeɗa e fensitooji heddii ɗoo yo men fokkitu), kadi hinde jeyaa e welamma (volonté) tinndinoore renndo gine ngon ko yowitii e “politik” fii yeeso.

Lowre GuinéeVote nden ko e sagara ɗiɗi gollirtee :

Arano on ko seeɗa tun fampetee.

E nden yamre, lowre nden moftay kala kumpite hittuɗe, wondude e nate e widiyooji yowondirɗi e woote hooreejo-leydi (élections présidentielles) ɗen 2015.

Sagara ɗimmo on fuɗɗoday e fampo ngomnanke (lancement officiel) oorngal gal (campagne).

Hastag eɓɓo ngon ko #GuinéeVote ! ko duncitoree woote hooreejo-leydi fewndo ka gannde kese.

Men yiltitoyto ko neeɓaa fii ko ɓuri yaajude e kumpite.

 

Kuɗol : Tafsir BALDE

Halfinaaɗo: Goomu Ɗemɗe NGenndiije ɗen ABLOGUI.

 

LAISSER UN COMMENTAIRE

Please enter your comment!
Please enter your name here