Ndarɗe ɓii-leydi ɗen : « emmbere taweede nden ka woote hawruno 69% »

0
97

Tintinol Tonngoode 3 :

Saare Woote nde ndarɗe Ɓii-leydi (REGARD CITOYEN)

Woote Hooreejo leydi ɗe 11 Oktoombur 2015

Ndarɗe Ɓii-leydi ɗen imminno lasindotooɓe 6000 e nder leydi ndin fow fii ko yowitii e woote hooreejo leydi ɗe 11 Oktoombur 2015 ɗen.

Kañum ndarɗe Ɓii-leydi ɗen lasindino sokeede birooji wootiraaɗi ɗin e no karte ɗen sennditiraa non ɓe waɗtani yiila e ɗum ley ɗoo :

  • Emmbere taweede nden ka woote hawruno 69% e nder birooji lasindaaɗi ɗin;
  • Ko yahata 63,6% e birooji woote ɗin sokuno ka leere / njamndi 6 kiikiiɗe e nder leydi ndin fow. Ko wano 13,3%  e 46,3%  nder ca’e Faraana e Boke ɗen woni ko soki e nden leere ;
  • Ƴantooje (réclamations) waɗano e bangal peŋngal ɓe (délégués) kanndidaaɓe ɓen wondude e feddeeɓe birooji wootirɗi ɗin e nder birooji 8,7% lasindaaɗi;
  • (PV) JI njaltudi ndin (résultats) winndano e nder birooji woote 96,6%;
  • Ko (PV)ji 2% pet winndaaɗi woni ko siifiraaka (signé) jurol feddeeɓe birooji woote ɗin, ndee limoore ko Kindiya ɓuri ɗuuɗude;
  • Satteende hoy waɗuno e nder birooji woote 9%.

Satteendeeji goo fillaaɗi ɗin ko ko yowitii e pooɗondiral hakkunde feddeeɓe birooji woote ɗin maa wootooɓe ɓen, e salagol woɓɓe e maɓɓe ɓasugol ndaha kan ka sappordu mun, maa lellugol regginorde (PV) ɗin e ko nanndi.

Ka huɓindagol, sokugol birooji ɗin e golle yowitiiɗe e woote ɗen ka birooji woote lasindaaɗi yawtirii no haaniri e dow teddungal.

Ndarɗe Ɓii-leydi ɗen hino jaarna jamaa Lagine on fii mokobaaku ngun e ɗeeƴere nden.

Tippude e oo sagara yawtuɗo e ɗee woote ɗoo, kañum ndarɗe Ɓii-leydi ɗen hino wasiyoo CENI on e kala wallondiraaɓe e reenirgol ɗee woote e dow teddungal e ssari’a wonde njaltudi feññinteendi ndin ko faale wootuɓe ɓen hollata, kadi wullitagol ngol hino haani newneede si ɗum lamndaama.

Konaakiri, ñannde 12 Oktoombur 2015-10-15

Hunndukoojo NDARƊE ƁII-LEYDI ƊEN

LAISSER UN COMMENTAIRE

Please enter your comment!
Please enter your name here