Ko homɓe woni ɗaɓɓooɓe laamu ɓen 8 leydi Gine ?

0
324
Présidentielle de 2015 en Guinée : biographie des candidats
Les huis candidats à la présidentielle guinéenne. © AFP/Réseaux sociaux des candidats

Kanndidaaɓe ɓen ka woote hooreejo-leydi Gine saatiiɗe ñannde 11 Oktoombur ɓen anndike, persanten ɓee njeetatooɓe saatiiɓe foolotirde ka jullere laamu, wallinɓe regginorde (dossier) mun ado ñalaande happiraande nden 01 Settaambur.

E hitaande 2010, ko ɓe 24 foolotirnoo fii jullere laamu nden Gine. Hikka non ko ɓe njeetato pet. Worɓe jeeɗiɗo e Debbo gooto woni walliniɓe regginorde mun ado 01 Settaambur on, ɓe yoɓi kadi miliyon 800 happanaaɗi ɗin kanndidaajo kala.

Njowo e maɓɓe, ko wowtuɓe woote ɗen Gine gila duuɓi jowi, tatooɓe ɓen ko ɓe wowtaaka. Guinee Vote hino anndinnde on ɓe.

Alfaa Konde (RPG)

Alpha-Condé
                            Alfaa Konde

Alfaa Konde ko karankammbeeji (favori) e lontital makko wano hooreeɓe Afrik yaltuɓe buy, ɗum e wonde Sellu Dalen Jallo e Muusaa Dadis Kamara haldidii kaɓɓondiral (alliance), hooreejo leydi ndin fewndo ɗoo hino fiɓi anniyee. “Ɓen haɗayɓe lam foolugol heɓaaka taho”, no o hollitirnoo ka tintodal maako e Jeune Afrique e Maayuhu yawtundu…

Alfaa Konde ko eɓɓuɗo heddagol e bara on haa tuma oornagol ngal (les campagnes) hewta, himo jokki hollugol sattere fii, gila ko yowitii e woote dosawwriyankooje (élections communautaires), ko lunndaare’en yiɗunoo yuɓɓeede ado woote hooreejo-leydi ɗen, maa regginorde ñaawooha (dossier judiciaire) Muusaa Dadis Kamara on. Kañum hoɗuɗo on Seekutuureyaa lo’iraa toowirgol duuɓi makko ɗin 77.

Sellu Dalen Jallo (UFDG)

Sellu Dalen Jallo Natal : Zone Afrique
Sellu Dalen Jallo
                   Natal : Zone Afrique

Sellu Dalen Jallo, toɗɗanooɗo on kanndidaa fedde makko nden l’union des forces démocratiques de Guinée (UFDEG) ñannde 25 Yuliyuhu, mo duuɓi 63, … hino tamƴinii “waylugol fokkitannde taariika” Gine on. Kanndidaajo foolanooɗo on ka woote 2010, himo jokki yeddugol dagaade laamu Alfaa Konde, tuumira mo huutorgol leƴƴi-leƴƴi fii tun no jooɗora ka jullere laamu.

Nde o woopunoo newaade yuɓɓegol woote ngalluyankooje ɗen (élections locales) ado woote hooreejo-leydi ɗen, Sellu Dalen Jalloh fijirno kartal kaɓɓondiral (alliance) dawrugol, yeddondirteeɗo hay ka fedde makko, wano ko yowondiri e Muusaa Dadis Kamara, on bagoraaɗo masistaraaɓe Ginenaaɓe ka saare Wagadugu ñannde 08 Suwiyee fii tefugol mo ko yowitii e warngo 28 Settaambur 2009 ngon, o sikkuno on walliray-mo dannde (voix) ka Gine-laddeeri.

Sidiya Tuuree (UFR)

sydia

Ardiiɗo jaagorɓe (Premier ministre) hakkunde 1996 e 1999, Sidiya Tuuree, mirin ɗimmo on ka lunndaare, himo laamii fedde Union des forces républicaines (UFR) nden gila 2000. Kanndidaa ka woote hooreejo-leydi ɗe 2010, o heɓuno dannde 13% ka rogere adannde (premier tour), o laatii tataɓo. O wasiyino wootangol Sellu Dalen Jallo ka rogere ɗimmere e sincugol makko kaɓɓondial hakkunde fedde UFDG nden e fedde makko nden.

Ɗum non dartino ka timmoode Suwiyee fewndo Sidiya Tuuree ɓannginnoo wellitaare (liberté) makko. Jom meetelol lisans jojjande aferji (droit des affaires) ka École nationale du Trésor Pari, o lamminano UFR ñannde 22 Uksatu, mo duuɓi 70, fii wonugol kanndidaa nanondiraaɗo woɗɗitiiɗo leƴƴi-leƴƴi.

Lansana Kuyaatee (PEDN)

Lansana Kouyaté
Lansana Kuyaatee

Kanndidaajo Parti de l’espoir pour le développement national (PEDN) on hino felliti foolugol makko ka woote 11 Oktoombur. Mawɗo jaagorɓe ɓooyuɗo (ancien premier ministre) on ɓannginii, e talaata ñannde 1 Settaambur, yeeso jaayndiyanke’en ka suudu tuuginorde (cour constituionnelle) fewndo o wallinaynoo regginorde makko kanndidaaku ngun, wonde o yiɗaa nanude hino wowle fii “so’ugol yirbugol”.

Heewuɗo aybingol tonngirde wootooɓe ɓen (fichier électoral), e CENI on, e nanndo maɓɓe, himo tuumiraɓe fow humondirgol e laamu ngun. Jibinaaɗo Guinée maritime, dipolomasiijo ɓooyuɗo, neɗɗo faggudu (economiste), o laatino nayaɓo ka woote hooreejo-leydi ɗe 2010, o dañi dannde 7,75%, Lansana Kuyaatee, mo duuɓi 65, kaɓɓondirno ontuma e Alfaa Konde.

 

Papa Koli Kuruma (GRUP)

Papa Koli Kuruma. © Heftinirde Facebook.
Papa Koli Kuruma. © Heftinirde Facebook.

Mawɗo jaagoraaɗo diisondirteeɗo ɓooyuɗo ka galle hooreejo-leydi (presidence), o lamminirano fedde makko nden Générations pour la Réconciliation, l’Union et la Prospérité (GRUP) ñannde 21 uksatu, himo ukkitaade kadi e laawol ɗimmol ka bara. Njowaɓo on ka woote hooreejo-leydi ɗe 2010, e dow 5,74% dannde ka rogere adannde, jeyanooɗo e ɓurɓe bammbangol Alfaa Konde. Ko woni tun o woɗɗitorii hooreejo-leydi ndin seeɗa seeɗa, fii no o ɓadtora lunndiyanke Sellu Dalen Jallo.

Himo felira hoɗuɗo on Seekutuureyaa lunndagol foddoje mun ɗen, o fellintini wonde kanndidaa Alfaa Konde foduno-mo waɗeede gardiiɗo jaagoraaɗo maa hoorejo suudu-depite’en. Jeyraaɗo Gine-Laddeeri, Papa Koli Kuruma tabintinno momtugol hoore-mun ka bara woote tuma kala nde Muusaa Dadis Kamara eɓɓani wallingol regginorde mun ngon.

 

Zorz Gandi Tunkara (UGDD)

George Gandhi Tounkara
Zorz Gandi Tunkara

Jaagorɗo jannde dowdowri ɓooyɗo (ancien ministre de l’Enseignement supérieur), hooreejo fedde Union guinéenne pour la démocratie et le développement (UGDD) nden gila maarasi 2015, ko o kanndidaa ka woote hooreejo-leydi. “E nder ndii ɓitteendi yimɓe, e miskinaaku, e maapa ɓaawo golle, tawde kadi woɓɓe no alɗi woɓɓe waasiɗi, (…) hiɗen duwaa ndaartude ko kelɗi, ko ɗum o eerinoo yeeso jaayndiyanke’en ñannde 31 uksatu.

Zorz Gandi Tunkara tabintinno wonde taweede mo e ɗee wootee hooreejo-leydi wonay ɗoftagol soobinaare pottal politik siifanooɗo on 20 uksatu. Himo tortii feenitugol tonngirde woote ɗen e yuɓɓitagol CENI on.

 

Faya Lansana Millimono (BL)

Faya Lansana Millimono. © Heftinirde Facebook.
Faya Lansana Millimono. © Heftinirde Facebook.

E nga’al, Faya Lansana Millimono eɓɓii persantagol kanko tigiri, ardinooɗo on oorngal woote ɗen 2010 e fedde Nouvelle génération pour la République (NGR) nde Abe Sillaa, fewndo ɗoo ko Alfaa Konde o gadondiri e mun, o lamminano hooreejo on Bloc Liberal…

Tawtuɗo fii artugol Muusaa Dadis Kamara ka leydi mun, himo itti bote e battane Alfaa Konde ɗen, tuumiri-mo wallitorgol Ebola fii suuɗugol ko o yirbi kon.

 

Mari Madeleen Jubaatee (PEG)

Marie Madeleine Dioubaté (PEG)
Mari Madeleen Jubaate

Debbo bajjo on e ɗee woote hooreejo-leydi fadino haa ka sakkitorde, e talaata 1 Settaambur on, si o wallini regginorde makko ɗaɓɓere laamu ngon. Hooreejo fedde Parti des écologistes de Guinée, ɓiɗɗo lidduyankeejo ɓooyɗo fewndo Seeku Tuure..

Dolnirɗo eɓɓooje makko ɗe o ɗowtiti e nder leydi ndin, tentinii ko yowitii e demal, himo tabintini haɓugol baasal e anngal ɓamtaare, wano ɓange darnugol hoɗirɗe maa fii cellal, o maandinno wonde rewɓe ɓen e sukaaɓe ɓen hino ɓuri ŋakkirde ɗin ɗon. Mari Madeleen Jubaatee wonay debbo ɗimmo on persantoragol fii ɗaɓɓere laamu leydi Gine, ɓaawo Saran Daraba Kamara e 2010.

 

Eggaa ko e lowre: Jeune Afrique

LAISSER UN COMMENTAIRE

Please enter your comment!
Please enter your name here